Ölüm cəzası gözləyirdi: İranda reper Tumac Salehi azad edildi

İranda ölüm cəzası gözlənilən məşhur reper Tumac Salehi həbsdən azad edilib. Məhkəmə onun gözlənilən ölüm hökmünü ləğv edib.
 

Belə ki, ötən gün iranlı reper Tumac Salehi (Toumaj Salehi) İran rejiminə qarşı etiraz aksiyalarında iştirak etdiyinə görə bir ilə yaxın həbsxanada qaldıqdan sonra azadlığa buraxılıb.

Sfera.az xəbər verir ki, İranlı reper Tumac Salehi tez-tez musiqi və sosial şəbəkələrdəki paylaşımlarından İran rejiminin repressiv mahiyyətini tənqid edərək siyasi bəyanatlar vermək üçün istifadə edib. Salehi 2022-ci ildən 2023-cü ilədək ölkədə baş verən iğtişaşlarla bağlı ittiham edilərək 2024-cü ilin aprelində ölkənin inqilab məhkəməsi tərəfindən ölüm cəzasına məhkum edilib.
 

Reper etirazlar mövzusunda rep oxuduğuna, sözlərində isə Məhsa Əmininin ölümündən hiddətlənən etirazçıların hərəkətlərini təriflədiyinə görə qınanılıb. Xatırladaq ki, 22 yaşlı kürd əsilli qız Mənsa Əmini İranın İslami geyim qaydalarını pozan hicabı "uyğunsuz" geymək iddiası ilə həbs olunduqdan sonra dünyasını dəyişib.


Salehi isə 2022-ci ilin oktyabrında ümummilli etirazlara dəstək verən ictimai bəyanatlardan sonra həbs edilib.

 

Toumaj Salehi (Tumac Salehi)

33 yaşlı Tumac Salehi İranın sosial problemləri və İran İslam Respublikası hökumətinin siyasətləri ilə bağlı etiraz mahnıları ilə tanınan iranlı repçidir.
 

O, metal emalı zavodunda fəhlə işləyib. İran hakimiyyəti Salehini 2022-ci ildə İran etirazlarında iştirak etdiyinə görə 6 il həbs cəzasına məhkum edib. 2024-cü il aprelin 24-də Tumac Salehi 2022-2023-cü illərdə İran Qadınları, Həyat, Azadlıq hərəkatına dəstək verdiyi üçün edam cəzasına məhkum edilib.
 

Salehi uzun müddətdir ki, İranda hökumət əleyhinə etirazların simvolu olub. O, tez-tez musiqi və sosial media yazılarından İran rejiminin repressiv mahiyyətini tənqid edən siyasi bəyanatlar vermək üçün istifadə edib.


Qadın Həyatı Azadlığı nümayişləri zamanı o, iranlıları hökumətə etiraz etməyə çağırıb və küçələrdə etirazçılarla çəkdirdiyi videoları yayıb.
 

“Kiminsə cinayəti küləkdə saçları ilə rəqs etmək, kiminsə cinayəti cəsarətli və açıq danışmaq idi” - həbsindən bir qədər əvvəl paylaşılan (2022-ci ilin oktyabrında) mahnılarından birində deyilir.


Xatırladaq ki, bir müddət əvvəl İranda “Satıcı” filminin ulduzu Tərani Əlidosti da həbs olunmuşdu. Ölkənin ən məşhur aktrisalarından biri İran təhlükəsizlik qüvvələri tərəfindən etirazların yatırılmasını tənqid edib.

Aynil