"Cənubi Koreya prezidenti vətən xaini elan edilə bilər" - “Yonhap”
Cənubi Koreya prezidenti vətənə xəyanətdə ittiham edilə bilər.
Sfera.az bildirir ki, bu barədə “Yonhap” agentliyi yazıb. Qeyd olunub ki, ölkədə müxalif Demokratik Partiyası prezident Yon Sok Yol və müdafiə naziri Kim Yong Hyuna qarşı dövlətə xəyanət ittihamı irəli sürmək niyyətindədir.
“Bu addım hər iki şəxsin təşəbbüsü ilə ölkədə hərbi vəziyyətin elan edilməsi ilə bağlıdır. Partiya nümayəndələri bu məsələni diqqətlə öyrənməyi planlaşdırırlar. Bundan sonra müvafiq ittihamları hazırlayacaqlar”, - agentlik qeyd edib.
Qeyd edək ki, Yon Sok Yol Şimali Koreya qüvvələrinin təhdidinə görə konstitusiya quruluşunun qorunmasının zəruriliyini əsas gətirərək dekabrın 3-də Cənubi Koreyada hərbi vəziyyətin tətbiq edildiyini açıqlayıb. O, parlamentə nəzarət edən müxalifətin hökumətin işini iflic etdiyini və Şimali Koreyaya rəğbət bəslədiyini vurğulayıb.
Günay
