Afrikada müəmmalı xəstəlik panikası: Qısa müddətdə 143 nəfər həyatını itirdi
Afrika ölkəsi Konqo Demokratik Respublikasında müəmmalı xəstəlik səbəbiylə qısa müddətdə 143 nəfərin ölümü panika yaradıb. Xəstəliyi olan insanlarda yüksək hərarət, baş ağrısı kimi qrip əlamətlərinin olduğu açıqlanıb.
Sfera.az xəbər verir ki, ölkənin səhiyyə orqanları məsələ ilə bağlı Ümumdünya Səhiyyə Təşkilatını məlumatlandırıb.
Ölkənin cənub-qərbində müşahidə edilən “müəmmalı xəstəlik” ilk dəfə ötən ilin noyabrında aşkarlanıb və qısa müddətdə 143 nəfər xəstəlik səbəbindən dünyasını dəyişib.
Xəstəliyə yoluxan şəxslərdə yüksək hərarət, baş ağrısı kimi qrip əlamətlərinin olduğu bildirilib və səhiyyə işçilərinin nümunələrin götürülməsi üçün bölgəyə göndərildiyi açıqlanıb.
Yerli epidemioloq bildirib ki, xəstəlikdən ən çox qadınlar və uşaqlar əziyyət çəkir.
Qeyd olunub ki, xəstəliklə bağlı Ümumdünya Səhiyyə Təşkilatına (ÜST) ötən həftə məlumat verilib.
Aynil
