Meksikada Merida-Kampeçe magistral yolunda qəribə hadisə baş verib. Pivə daşıyan yük maşını aşıb, içərisindəki 25 tonluq pivə qutuları yerə tökülüb. Onlarla insan aşmış yük maşınını qarət etməyə tələsib.

Sfera.az bildirir ki, yük maşını sürücüsü sürət həddini aşaraq dönərkən idarəetməni itirib. Əvvəlcə tıxacda qalan sürücülər pivə yığmağa tələsib, daha sonra qonşu kəndin sakinləri də onlara qoşulub.

Əllərində qutu və yeşiklər olan insanlar yol boyu səpələnmiş pivəni yığıblar. Bəziləri daha çox "qənimət" əldə etmək üçün zədələnmiş damdan birbaşa qoşquya giriblər.

Yerli sakinlər aşmış yük maşınından 25 ton pivəni talayıblar

İştirakçılardan biri vaxt itirmədən qutunu açıb elə yerindəcə pivə içməyə başlayıb.

Hadisə noyabrın 28-də baş verib. İlkin məlumata görə, yük maşınının sürücüsü sürət həddini aşdığı üçün dönərkən nəqliyyat vasitəsini idarə edə bilməyib. Marşrutun 86-cı kilometrliyində qoşqu aşıb və bütün yük yerə səpələnib.

Qəzadan sonra yolda nəqliyyatın hərəkəti dayandırılıb. Əvvəlcə tıxacda qalan sürücülər pivə yığmağa tələssələr də, bir neçə dəqiqə sonra qəzadan xəbər tutan qonşu Təpakan kəndinin sakinləri də onlara qoşulub.

Hadisə yerinə gələn xilasedicilər yük maşını sürücüsünü müayinə edib. O, yalnız yüngül xəsarətlər alıb. Milli Qvardiyanın zabitləri vəziyyəti aradan qaldırmağa çalışıb. Adamları dağıtsalar da, polis heç kimi həbs etməyib.

Hadisə təkcə yol-nəqliyyat hadisəsi deyil, həm də yerli sakinlər üçün tez bir zamanda sosial şəbəkələrdə yayılan “pivə festivalı”na çevrilib.

Aysel

Pivə daşıyan maşını aşdı: 25 ton pivə küçələrə dağılıb - FOTO