Zelenskinin hakimiyyətdən hansı şərtlərlə gedəcəyi açıqlanıb.

Sfera.az bildirir ki, bu barədə Rusiya Elmlər Akademiyasının Təhlükəsizlik Araşdırmaları Mərkəzinin aparıcı elmi işçisi, politoloq Konstantin danışıb. O qeyd edib ki, Ukrayna liderinin vəzifəsindən imtina etməsi ABŞ-dən asılıdır.

“Yalnız ABŞ xarici siyasət kursuna tamamilə yenidən baxacağı təqdirdə, Zelenski postunu tərk edəcək. Bu, Ukrayna Baş Kəşfiyyat İdarəsinin rəhbəri Kirill Budanovun hansı potensiala malik olmasından deyil, amerikalıların Zelenskini vəzifədən uzaqlaşdırmaq qərarına gəldikləri halda, kimi seçəcəklərindən asılıdır. Zelenski uzaqlaşdırılmasa da, bu, yalnız ABŞ-nin xarici siyasətinin trayektoriyasının köklü dəyişməsi ilə mümkündür. Yəni bu kurs tamamilə dəyişərsə, yeni baxışlara malik yeni şəxs də lazım olacaq”, - Bloxin bildirib.

Politoloq Krill Budanovun Zelenskidən daha az siyasi etibara malik olduğunu da vurğulayıb: “Budanov özü də Zelenskinin adamıdır, qarşıdurmaya meylli biridir. Onların qarşıdurma paradiqmasından imtina edib-etməyəcəyi sual altındadır. Reallıqda isə Zelenski Qərbdən tam razıdır, onu niyə uzaqlaşdırsınlar?”.

Bundan əvvəl Ali Radanın keçmiş deputatı Oleq Tsarev bildirmişdi ki, Kirill Budanovun ölkə prezidenti olmaq ambisiyaları var. O həmçinin Budanovun dəstəyi və əlaqələri, habelə seçki kampaniyası üçün pula malik olduğunu vurğulayaraq bunu Zelenski üçün təhlükə adlandırmışdı.

Noyabrın sonunda isə Ukrayna prezident ofisinin Budanovu 2024-cü ilin sonuna kimi vəzifəsindən azad edə biləcəyi istiqamətində xəbərlər yayılmışdı. Onun yerini “hakimiyyətə daha sadiq adam”ın tuta biləcəyi qeyd edilmişdi.

Günay

Zelenski yalnız bu halda hakimiyyətdən gedəcək - Bloxin AÇIQLADI