861 illik Notr-Dam kilsəsi illər sonra ilk dəfə açılır: 8,5 saatlıq yanğının izləri silinib
Fransadakı Notr Dam kilsəsi dünyanın ən mühüm irs yerlərindən biri hesab olunur. Viktor Hüqonun “monumental ölçü və incəliyin ustalıqla birləşməsi” kimi təsvir etdiyi məşhur kilsə 2019-cu ildə alovlara təslim olumuşdu.
Sfera.az bildirir ki, tikintisi 1163-cü ildə başlayan Notr Dam kilsəsi dünyanın ən məşhur binalarından biridir. Məşhur Notr Dam kilsəsi indi qapılarını yenidən açmağa hazırlaşır. Təxminən 8,5 saat davam edən yanğının izləri 1 milyard dollarlıq bərpa büdcəsi ilə silinib.
Fransa prezidenti Makronun kilsəyə səfəri zamanı kilsə 5 ildən sonra ilk dəfə görüntülənib.
Qeyd edək ki, Fransanın paytaxtı Parisin mühüm simvollarından biri olan kilsə 2019-cu ildə baş verən yanğında ciddi ziyan görüb. Yanğın təxminən 8,5 saat davam edib.
Alovun sürətlə yayılması nəticəsində qüllələrdən biri və dam örtüyü tamamilə dağılıb.
Saatlarla davam edən yanğınsöndürmə işlərindən sonra şimal zəng qülləsi və əsas bina xilas edilib. 500 yanğınsöndürənin müdaxilə etdiyi yanğın 8,5 saatdan sonra nəzarətə götürülüb.
Notr Dama dəymiş ziyanın miqyası havadan baxanda məlum olub.
Fransa prezidenti Emmanuel Makron kilsəni 5 il ərzində bərpa edəcəyinə söz vermişdi.
Dünyanın hər yerindən toplanan yardımla bərpa büdcəsi 1 milyard dollara çatıb.
Notr Dam kilsəsi 5 ildən sonra dekabrın 7-də qapılarını açmağa hazırlaşır.
Dekabrın 7-də 2 min qonağın qatıldığı böyük bir təşkilatla açılacaq Notr Damın açılış mərasiminə dünya liderləri də dəvət olunub.
Açılış mərasiminə Türkiyə prezidenti Rəcəb Tayyib Ərdoğan, ABŞ prezidenti Co Bayden, Donald Tramp, İngiltərə kralı III Çarlz, İspaniya kralı VI Filipp, Mərakeş kralı VI Məhəmməd, Braziliya prezidenti Lula da Silva və Ukrayna prezidenti Vladimir Zelenski dəvət olunub.
Rusiya lideri Vladimir Putin və İsrailin baş naziri Benyamin Netanyahu dəvət edilməyib.
Makronun səfəri zamanı Notr Dam kilsəsinin içərisinə ilk dəfə baxılıb.
Makron bərpa işlərində iştirak edən 1300 nəfərə təşəkkür edərək:
“Küldən sənət yaratdınız” - deyib.
Xristianlığın ən mühüm simvollarından biri olan kilsənin açılışına Papanın qatılmayacağı açıqlanıb.
Vatikandan verilən açıqlamada 88 yaşlı Papanın dekabrın 7-də keçiriləcək açılış mərasiminə qatılmayacağı, amma ə dekabrın 15-də Fransanın başqa bölgəsində keçiriləcək konfransda iştirak edəcəyi bildirilib.
Papanın açılışa qatılmamaq qərarı mübahisələrə səbəb olub. Notr Dam rəsmiləri:
“Açılış gününün ulduzu kilsədir, Papanın gəlişi deyil” -d esələr də, Vatikana yaxın insanlar:
“Papa daha məşhur və ehtiyac duyulan yerlərə getmək istəyir” - deyiblər.
Xanım
