Milad və Yeni ilin yaxınlaşması ilə bir çox turistlər sehrli Avropa Milad bazarlarını ziyarət etmək, onların sayrışan işıqlarını görmək, bayram yeməkləri yemək və rahat atmosferdən həzz almaq istəyirlər. Bu, qış səyahətinin bir hissəsidir. Bununla belə, böyük izdiham çoxları üçün maneə ola bilər.

Sfera.az bildirir ki, “Wizz Air” 35-dən çox məşhur Avropa bazarını təhlil edib.

Avropanın az qiymətləndirilən Milad bazarları arasında Rumıniyanın Sibiu şəhəri də var. “TikTok”, “Instagram” və “Google” da bu yerin axtarışlarının ümumi sayı cəmi 4620 olub.

Şəhər UNESCO tərəfindən tanınan Avropanın mədəniyyət paytaxtıdır. Orta əsr memarlığı, daş döşənmiş küçələri və canlı meydanları ilə tanınır.

Milad bazarı gözəl Qotika, Barokko və Renessans evləri ilə əhatə olunmuş Böyük Meydanda keçirilir. Ziyarətçilər mici (qızardılmış kolbasa), sarmale (doldurulmuş kələm rulonları) və kozonak (fındıqla doldurulmuş şirin çörək) kimi ənənəvi Rumıniya yeməklərini sınaya bilərlər. Bazar həmçinin yerli əl işlərinin geniş seçimini təklif edir.

Bir çox turist Sibiu yarmarkası haqqında öz tərifli rəylərini bölüşür. Onlar yerli yeməkləri, xoş atmosferi və şəhərin cazibəsini qeyd edirlər.

Sibiu ən çox qiymətləndirilən Milad şəhərləri arasında üçüncü yerdə qərarlaşıb. Albaniyada Saranda 900 axtarışla birinci yeri tutub, üçüncü yeri 3470 axtarışla Almaniyada Esslingen am Neckar tutub.

Aynil

Bu şəhərdə ən yaxşı yeni il yarmarkalarından biri var - FOTOLAR