Bu yaxınlarda 26 yaşlı Keytlin adlı gənc qız dram filmini xatırladan bir hekayə paylaşmışdı. Doğuşunu qeydə almayan anasına görə iş belə tapa bilmədiyini izah edən Keytlin bu vəziyyəti 19 yaşında anladığını bildirir. Həmin gündən qohumlarının himayəsində qalan qadın bu müddət ərzində özünü az qala “görünməz” hiss etdiyini deyir. Anasının xəyanətindən qəzəblənən Keytlin, yaşadığı çətinlikləri və emosional çöküşü təfərrüatları ilə bölüşüb.

Sfera.az gənc qızın dramatik həyat hekayəsini təqdim edir.

Doğuş zamanı 30 gün ərzində doğum haqqında şəhadətnamə almalısınız.

Lakin 26 yaşlı Keytlin adlı qadın anasının onu doğuşdan sonra qeydiyyatdan keçirmədiyini, ona görə də Amerikada “qaçqın” olduğunu bildirib.

19 yaşında bu vəziyyəti fərq edən Keytlinin məhz bu səbəbdən sığorta nömrəsi yoxdur. Sürücülük vəsiqəsi ala, işə düzələ, pasport ala bilmir.

Xalasının və xalası qızının köməyi ilə çıxarılan kredit kartından istifadə edən Keytlin əslində qanuni olaraq mövcud deyil.

Qeydiyyatın təsdiqlənməsi üçün müstəqil sənədli sübutlar vasitəsilə doğum tarixinin və yerinin dəqiq yoxlanılması tələb olunurdu. Bundan əlavə, səlahiyyətli şəxs doğumun qeydiyyata alması üçün qeydiyyat şöbəsinə getməli idi. Hazırda bu şərtləri yerinə yetirmək mümkün olmadığından, gec doğuşun qeydə alınmasına icazə verilmir.

Keytlin işə düzələ bilmədiyi üçün 18 yaşından qohumlarının himayəsində olub. O: "Mən özümü yer üzündən silinmiş kimi hiss edirəm" - deyir.

"Anam məni bu travmaya məruz qoydu. Hiss edirəm ki, həyatıma nəzarət edə bilmirəm".

Gənc qız bununla bağlı polisə və məhkəməyə müraciət etsə də, nəticəsiz qalıb. Hamı bu vəziyyəti “sadə bir ailə problemi” kimi qiymətləndirib.

"Anam məni tərk etdi. Hökumət isə buna biganə qalmaqda davam edir".

Özünü “görünməz” hiss etdiyini dilə gətirən Keytlin hazırda məktəbə gedir. Bununla belə, o, indiki məktəbinə başlamazdan əvvəl səlahiyyətlilərin sualları səbəbindən tez-tez məktəb dəyişdirdiyini vurğulayır.

Aynil

Rəsmi olaraq yox sayılır: İş belə tapa bilməyən gənc qızın dramatik hekayəsi