Gürcüstan Aİ-yə üzvlükdən imtina edib - Bu tarixədək...
Hakim "Gürcü arzusu" partiyası 2028-ci ilə qədər Aİ-yə üzvlük məsələsinin müzakirəsini dayandırmaq qərarına gəlib.
Sfera.az TASS-a istinadən xəbər verir ki, bu barədə baş nazir İrakli Kobaxidze brifinq zamanı bildirib.
"Biz bu gün qərara gəldik ki, danışıqların açılmasını 2028-ci ilə qədər gündəliyə salmayaq. Biz həmçinin 2028-ci ilə qədər Avropa İttifaqının bütün büdcə qrantlarından imtina edirik", - Kobaxidze deyib.
O qeyd edib ki, Gürcüstan avropalı bürokratlara şantajdan çox, ləyaqətlə danışmaq lazım olduğunu göstərməlidir. Onun sözlərinə görə, Aİ danışıqların başlanması mövzusunu hakim partiyanın qərarını manipulyasiya vasitəsi kimi istifadə edərək Gürcüstanın reputasiyasına xələl gətirib.
Hökumət başçısı həmçinin vurğulayıb ki, gürcülər qürurlu xalqdır və zəngin tarixə malikdirlər, ona görə də Gürcüstanın Aİ-yə inteqrasiyasının mərhəmət hesab edilməsi qətiyyən yolverilməzdir.
İnci
