16 yaşından aşağı şəxslərə sosial media qadağan olunacaq

Avstraliyada 16 yaşından kiçik uşaqlara sosial media istifadəsini qadağan edən qanun layihəsi, Nümayəndələr Palatasından sonra Senatdan da keçib. 

Sfera.az xəbər verir ki, yeni qanun, TikTok, Facebook, Snapchat, Reddit, X və Instagram kimi sosial media platformalarını, kiçik yaşlı uşaqların hesab açmasını məhdudlaşdırmağa məcbur edir. Sosial media şirkətləri, bu tələbləri yerinə yetirmədikdə 33 milyon dollara qədər cərimələrə məruz qalacaq.

Bununla yanaşı, Avstraliyada bir çox uşaq hüquqları və psixoloji sağlamlıq mütəxəssisi, qanunun gözlənilməz nəticələr doğura biləcəyindən narahatdır. 

Müxalifət senatı Maria Kovacic qanunun radikal deyil, zəruri olduğunu vurğulayıb. Kovacic, "Bu qanunun əsas məqsədi çox sadədir. Sosial media şirkətlərinin platformalarındakı azyaşlıları müəyyən etməsi və onları platformalardan çıxarmasıdır," deyərək, "Bu, şirkətlərin uzun müddətdir yerinə yetirməli olduğu bir məsuliyyət idi, amma onlar uzun illər boyu yalnız mənfəət uğruna bu məsuliyyətdən yayınmışdılar" ifadələrini istifadə edib.

İnci