Monako şahzadəsi Leonardo Di Kaprio ilə görüşdü - FOTOLAR
Monako şahzadəsi II Albert Hollivud aktyoru Leonardo Di Kaprio ilə görüşüb. Şəkillər kral ailəsinin rəsmi Instagram hesabı tərəfindən paylaşılıb.
Sfera.az bildirir ki, hələ 24 yaşında ikən amerikalı aktyor Yerin toxunulmamış guşələrinin qorunmasına həsr olunmuş fond yaradıb. Şahzadə Albert də ətraf mühitə kömək etməkdə maraqlıdır.
II Albert bu yaxınlarda dəniz bioloqu və kəşfiyyatçısı Enrik Salanın rəhbərlik etdiyi National Geographic ekspedisiya komandasına qoşulmaq üçün Solomon adalarına səfər edib.
"2008-ci ildə işə salınan proqram sağlam və möhkəm ekosistemləri qorumaq üçün planetin son təmiz dəniz regionlarının tədqiqi və mühafizəsinə yönəlib. Mərcan üçbucağının mərkəzində yerləşən Solomon adaları müstəsna dəniz biomüxtəlifliyi ilə məşhurdur, lakin getdikcə insan fəaliyyətinin təsiri ilə daha çox təhlükə altındadır” - deyə Monako şahzadəsinin mətbuat xidməti bildirib.
Ekspedisiya iştirakçıları arasında Leonardo Di Kaprio da olub. Aktyor şahzadə ilə selfi çəkdirib.
"Şahzadə Pyer Frolla ilə sualtı qayığa minib, Enrik Sala və Leonardo Di Kaprio ilə öz fədakarlığı, eləcə də okeanların qorunmasına həsr etdiyi Fondu haqqında danışıb. O, qorunan dəniz ərazilərinin inkişafı və möhkəmləndirilməsinə sadiqliyini bir daha təsdiqləyib. O cümlədən milli yurisdiksiyadan kənar ərazilər okeanların və onların biomüxtəlifliyinin qorunması üçün ən təsirli vasitələrdən biridir” - deyə kral ailəsinin mətbuat xidməti qeyd edib.
Aynil
