1a:T7c5,

ABŞ-da Didi Bosvel adlı qadın bu yaxınlarda bioloji atası ilə ilk görüşünün görüntülərini paylaşıb. DNT testi qadına həqiqəti öyrənməyə kömək edərək, 16 illik axtarışa son qoysa da, bu hekayədəki ən maraqlı hissə başqa bir detal olub.

Sfera.az bildirir ki, anasının əvvəlki sevgililərini araşdıraraq genealoji araşdırmalar aparan qadın sonda bir çox suallara cavablar tapıb.

"Anamla 16 yaşım olanda mübahisə etdik. O, əsəbiləşdi və dedi ki, əri mənim bioloji atam deyil. Mən bunu heç vaxt bilmirdim, amma mənə həmişə digər uşaqlarından fərqli davranırdılar" - deyə o bildirib.

Bundan sonra qadın atasını axtarmağa başlayıb. İlk etdiyi şey anasının əvvəlki sevgililərini tapmaq, şəcərə araşdırması aparmaq olub. Zamanla o, ilk cavabları alsa da, bu, məqsədinə çatmağa kömək etməyib.

Nəhayət, bu il amerikalı qadın kömək üçün DNT analitikləri və özəl detektivlərdən ibarət komandaya müraciət edib. 48 saat ərzində onun bioloji atası olan kişinin fotoşəkillərini, ünvanını, telefon nömrəsini və tam ailə ağacını təqdim ediblər.

"Onun sosial şəbəkədəki səhifəsinə girdim və gördüm ki, ortaq dostumuz var. Səhəri gün ştatdan məni görməyə gəldi" - deyə Didi mediaya müsahibəsində bildirib.

Qadın sosial şəbəkələrində ilk görüşün emosional görüntülərini paylaşıb. Məlum olub ki, anası atası ilə eyni məktəbə getdiyi vaxt 13 yaşında hamilə qalıb.

Didi onun dörd bacısı olduğunu da öyrənib. İndi o, yeni ailəsi ilə sıx əlaqə saxlayır, onlarla həftədə ən azı üç dəfə telefonla əlaqə saxlayır.

Aysel

4:[["$","script",null,{"type":"application/ld+json"

DNT testindən keçərək atasını axtaran qadın daha maraqlı bir şey tapdı