İslandiyanın paytaxtı Reykyavik yaxınlığındakı Reykjanes yarımadasında son üç ildə onuncu dəfə vulkan püskürüb.

Sfera.az bildirir ki, vulkan 800 il "yatıb". 2021-ci ildə oyanan və ümumilikdə 10 dəfə püskürən vulkanın sonuncu püskürməsi təkcə 2024-cü ildə altıncıdır .

Qeyd edək ki, İslandiya Avrasiya və Şimali Amerika tektonik plitələri arasındakı qırılma xəttində yerləşir və onu geyzerlərlə seysmik qaynar nöqtəyə çevirir. İslandiya meteoroloji xidmətinin məlumatına görə, bu dəfə maqma yer qabığını yarıb və yerdə nəhəng çat əmələ gətirib. Çatın uzunluğunun hazırda təxminən 3 km olduğu təxmin edilir.

Səlahiyyətlilər əvvəllər Reykyavikdən təxminən 30 km cənub-qərbdə Reykjanes yarımadasının altında maqma toplandığı və vulkanik fəaliyyətlə bağlı xəbərdarlıq etmişdilər. Lakin seysmik aktivlikdə nəzərəçarpacaq artım müşahidə olunmayıb. Sonuncu püskürmə sentyabrın 6-na kimi bitməmişdi.  

Buna baxmayaraq, vulkan səbəbindən daim evlərini tərk etmək məcburiyyətində qalan 50 evin sakinləri yenidən təxliyə edilib.

Aynil