Fransa Ukrayna Silahlı Qüvvələrinin hərbçilərini hazırladığı üçün Ukrayna münaqişəsində birbaşa iştirak edir. 

Sfera.az RİA Novosti-yə istinadən xəbər verir ki, bu barədə Rusiyanın xarici işlər naziri Sergey Lavrov mətbuat konfransında bildirib.

“Fransada Ukrayna hərbçiləri bütöv bir hücum briqadası hazırlayırlar. Yəni onlar bilavasitə hərbi əməliyyatlarda iştirak edirlər”, - deyə nazir qeyd edib.

Lavrovun sözlərinə görə, Fransa Prezidenti Emmanuel Makron Rusiya üzərində qələbə üçün müharibənin ən qızğın tərəfdarlarından biridir.

Lavrovun sözlərinə görə, Moskva Ukraynadakı münaqişənin sülh yolu ilə həlli üçün Çin və Braziliyanın təşəbbüslərini də alqışlayır.

İnci