Amerikalı çip istehsalçısı AMD “əhəmiyyətli böyümə imkanlarına” diqqət yetirmək üçün işçi qüvvəsinin 4%-ni ixtisar etdiyini təsdiqləyib.

Sfera.az xəbər verir ki, şirkət hansı şöbələrdən neçə işçinin təsirlənəcəyini açıqlamayıb. 

Şirkətin illik hesabatına görə, bu il AMD-nin təxminən 26.000 işçisi olub. Dörd faiz isə təxminən 1000 işçi deməkdir.

İxtisarlar həm gəlir, həm də mənfəət artımını göstərən üçüncü rüb nəticələrinin yayımlanmasından sonra baş verib.

AMD rəqib Nvidia ilə süni intellekt çiplərinin satışında irəliləyiş əldə etmək üçün mübarizə aparır. Səbəblərdən biri də inventar çatışmazlığıdır. AMD-nin bu il 224.000 GPU-nu tədarük edəcəyi təxmin edilir, bu olduqca çoxdur, lakin Microsoft və Meta kimi böyük müştərilərin tələbini ödəmək üçün kifayət deyil.

Müxtəlif hesablamalara görə, AMD-nin 2025-ci ildə gəliri 32,6 milyard dollara çatacaq. Bu arada, Nvidia-nın gəlirinin 33 milyard dollar olacağı proqnozlaşdırılır. AMD-nin səhmlərinin qiyməti il ​​ərzində təxminən 4% ucuzlaşıb.

Firuzə Əliyeva