Almaniya kansleri Olaf Şolts Rusiya Prezidenti Vladimir Putinlə telefon danışığından təxminən bir ay öncə ABŞ, Fransa, Böyük Britaniya və Ukrayna liderləri ilə söhbətin məzmununu razılaşdırıb.  

Sfera.az xəbər verir ki, bu haqda Almaniyanın “Bild” nəşri yazıb. 

Şolts oktyabrın 18-də Co Bayden, Emmanuel Makron və Keir Starmerə zəng edib, Putinlə danışmaq niyyətində olduğunu bildirib. Söhbət zamanı liderlər planları barədə müzakirə aparıblar. Şolts Ukrayna Prezidenti Volodimir Zelenskini də unutmayıb. O, Ukrayna rəhbərini bütün söhbətlər barədə xəbərdar edib.  

Putinə zəng edilməsində əsas məqsəd isə Rusiya rəhbərinin danışıqlara hazır olub-olmadığını öyrənmək imiş.

Xatırladaq ki, noyabrın 15-də Almaniyanın Baş naziri ilə Rusiya prezidenti arasında telefon danışığı olub. Şolts Putini döyüşlərə son qoymağa və ədalətli, davamlı sülhün bərqərar olması məqsədilə Ukrayna ilə danışıqlar aparmağa çağırıb. “Bild” qeyd edir ki, Şolts Putinin ABŞ-də yeni prezidentin işinin icrasına başlayana qədər və Rio-de-Janeyroda keçiriləcək G-20 sammiti (noyabrın 18-19-da keçiriləcək) fonunda dialoqa hazır olub-olmadığını öyrənmək istəyib.

Vasif