XƏBƏRDARLIQ: Güclü maqnit qasırğası Yerə yaxınlaşır

Qırmızı səviyyəli maqnit qasırğası tezliklə planeti vuracaq. Belə güclü qasırğa insanların həyatına təsir göstərə bilər - rifahın pisləşməsinə, baş ağrısına və müxtəlif elektrik avadanlıqlarının nasazlığına səbəb ola bilər.

Sfera.az xəbər verir ki, "Meteoagent" bununla bağlı xəbərdarlıq edir.

K-indeksi 5 və daha yüksək olan qasırğalar insan həyatına təsir edən qəhvəyi-qırmızı səviyyələrdir. Onlar təkcə planetdə bir çox insanların sağlamlığının pisləşməsinə səbəb ola bilməz, həm də rabitə vasitələrinin - peyklərin, GPRS-in, radiotezliklərin, mobil rabitənin işinə təsir göstərə bilər. 

NOAA, TESIS və dünya üzrə beynəlxalq meteoroloji laboratoriyaların peyk sistemlərinə görə, çərşənbə axşamı günortadan sonra Yer kürəsini mülayim maqnit qasırğası bürüyü. Çərşənbə axşamı və çərşənbə günü onun göstəriciləri K-indeksini 4-ü keçməyib.

Lakin noyabrın 7-də ekspertlər maqnit aktivliyinin qırmızı səviyyəli fırtına göstəricilərinə uyğun gələn K-indeksinin 5-ə qədər artacağını proqnozlaşdırırlar. Bu qasırğa uzun sürməyəcək və cümə gününə qədər geomaqnit vəziyyət sakitləşməlidir.

Bir çox elmi araşdırmalar göstərir ki, maqnit qasırğaları ilə insanın rifahı arasında müəyyən əlaqə var. Məhz maqnit qasırğası günlərində insanlar daha tez-tez səhhətinin pisləşməsi, baş ağrıları və digər problemlərdən şikayətlənir, hətta daha çox həkimlərin köməyinə müraciət edirlər.

Bundan əlavə, maqnit qasırğasının orqanizmdəki bioelektrik proseslərə təsir etdiyini və bunun yuxu pozğunluğuna, narahatlığın, əsəbiliyin artmasına, konsentrasiyanın və performansın azalmasına səbəb ola biləcəyini sübut edən araşdırmalar var.