Anonim şəxs Trampın qələbəsinə 18 milyon dollar pul qoydu
ABŞ-da “Polymarket” platformasının anonim istifadəçisi Donald Trampın ABŞ seçkilərində qalib gəlməsi mərcinə çox böyük məbləğ qoyub.
Sfera.az bilririr ki, “zxgngl” ləqəbli biri 18 milyon dollarlıq mərc edib. Tramp qalib gəlsə, “Polymarket0 platformasının “zxgngl” ləqəbli istifadəçisi 29,5 milyon dollar qazanacaq.
Çox güman ki, vergilər ödənildikdən sonra məbləğ bir qədər azalacaq. Qeyd edək ki, bu, indiyə qədər platformada Trampa qoyulan ən böyük mərcdir.
Həmçinin bildirilir ki, anonim istifadəçi Trampa mərc etmək üçün “Binance” kriptovalyuta birjasından vəsait çıxarıb. O, bunu oktyabr ayından başlayaraq bir neçə mərhələdə edib.
Lakin o, milyonlarla mərc edən yeganə şəxs deyil: müəyyən bir "pulqabı" da USD Coin-ə təxminən 5 milyon dollar töhfə verib.
Oktyabrın 28-də “Cointelegraph” öz platformasında Trampa mərc edən altı ən böyük hesabdan dördünün “Fredi9999” kimi tanınan eyni təşkilat tərəfindən idarə edildiyini bildirib.
Bununla belə, əməliyyat nümunələri "zxgngl" hesabının "Fredi9999" tərəfindən idarə olunan hesablarla əlaqəli olmadığını göstərir.
Aysel
Sfera.az
