Tramp səs verdi - Prezident seçkilərində qalibiyyətə ümidlidir...
Respublikaçılar Partiyasından prezidentliyə namizəd Donald Tramp prezident seçkilərində “böyük qələbə” qazanacağına ümid etdiyini bildirib.
Sfera.az CNN-ə istinadən xəbər verir ki, o, bu barədə Palm-Biçdəki seçki məntəqəsinə gəldikdən sonra bildirib.
"Deyəsən, Respublikaçılar tam qüvvə ilə çıxıblar, ona görə də nə olacağını görəcəyik... Eşitdiyimə görə, biz çox yaxşı iş görürük", - Tramp deyib.
Onun fikrincə, ABŞ problem içində olan böyük bir ölkədir və onu düzəltmək lazımdır. Respublikaçı seçki gününə “böyük üstünlüklə” girdiyini qeyd edərək, qalib gəlmək şanslarına əmin olduğunu bildirib.
Noyabrın 5-də ABŞ-da 60-cı prezident seçkiləri başlayıb. Hazırkı vitse-prezident Kamala Harris bu vəzifəyə Demokratlar Partiyasından namizədliyini irəli sürür. Ağ Evin keçmiş prezidenti Donald Tramp Respublikaçılar Partiyasının namizədi olub. Co Bayden prezidentlik yarışından imtina etdikdən sonra 78 yaşlı Tramp dövlət başçısı postuna ən yaşlı namizəddir. Siyasətçi qalib gəlsə, bu, onun ikinci müddətinə çevriləcək, o zaman qanuna görə yenidən prezidentliyə namizəd ola bilməyəcək.
İnci
