İran təhdid olunarsa, nüvə doktrinasını dəyişə bilər.


Sfera.az xəbər verir ki, bunu İranın Ali Rəhbərinin müşaviri Kamal Xərrazi “Al Mayadeen” telekanalına müsahibəsində deyib.
 

O, İran üçün mümkün “ekzistensial təhlükə” halında nüvə siyasətində dəyişikliklərə icazə verib. Xərrazi vurğulayıb ki, İran nüvə silahı istehsal etmək üçün texniki imkanlara malikdir.
 

Onun sözlərinə görə, əgər İsrail “düşməncəsinə hərəkətlərini davam etdirmək qərarına gəlsə”, İran buna uyğun cavab verəcək.
 

Eyni zamanda, üç gün əvvəl İran Xarici İşlər Nazirliyi İsrailin İranın hərbi infrastrukturuna son hücumu fonunda respublikanın nüvə doktrinasını dəyişməyəcəyini və nüvə silahı istehsal etməyəcəyini bəyan edib.

İnci