Tramp seçkilərdə qalib gələrsə... - Namizəddən VƏD

Respublikaçılar Partiyasından prezidentliyə namizəd Donald Tramp prezident seçkilərində qalib gələcəyi təqdirdə Rusiya ilə sülh əldə edəcəyinə və üçüncü dünya müharibəsinin qarşısını alacağına söz verib.
 

Sfera.az TASS-a istinadən xəbər verir ki, Florida ştatındakı Mar-a-Laqo mülkündə Respublikaçılar Partiyasından prezidentliyə namizəd tərəfdarlarını və jurnalistləri əmin edib ki, seçkidə qalib gələrsə, qlobal silahlı münaqişənin qarşısını almağa çalışacaq. O, həmçinin Çin, Rusiya və digər ölkələrlə münasibətləri yaxşılaşdıracağına əminliyini ifadə edib.
 

Bundan əlavə, Tramp ABŞ-də daha əvvəl onunla Rusiya arasında guya sövdələşmə olması barədə eyhamlar yayan siyasi dairələri yenidən tənqid edib. Daha əvvəl seçki kampaniyası zamanı Tramp seçki bitdikdən sonra “kiçik sirrini” bölüşəcəyinə söz vermişdi.

İnci