ABŞ vətəndaşları narahatdır: "Seçkilərin nəticəsi dəyişdirilə bilər"

ABŞ-də aparılan sorğu göstərib ki, vətəndaşlar noyabrın 5-də keçiriləcək prezident seçkilərindən sonra baş verə biləcək zorakılıqlardan və nəticələrin dəyişdirilməsi cəhdlərindən narahatdırlar.

Sfera.az bildirir ki, bununla bağlı “Associated Press” agentliyi ilə “NORC” İctimai Əlaqələr Mərkəzi birgə sorğu keçirib. Qeyd olunub ki, hər 10 respondentdən 4-ü eyni fikirdədir. İştirakçıların təxminən üçdə biri isə seçkidən sonra zorakılığın olacağını düşünmür.

Respondentlərin yalnız üçdə biri Respublikaçılar Partiyasından namizəd Donald Trampın seçkidə məğlub olacağı təqdirdə nəticələri qəbul edəcəklərini deyib. Ümumiyyətlə, bildirilib ki, demokratlar və respublikaçıların bu məsələyə baxışları fərqlidir. Sorğuya görə, respublikaçıların təxminən üçdə ikisi düşünür ki, Tramp prezident seçkilərinin nəticələrini qəbul edəcək, lakin on demokratdan yalnız biri bununla razılaşır.Digər tərəfdən, iştirakçıların təqribən yarısı namizədin xalqın səsini itirərək prezident olması ehtimalını “böyük problem” kimi dəyərləndirib.

Günay