Kuleba istefa ərizəsini yazmaq üçün içdiyini etiraf edib

Ukraynanın keçmiş xarici işlər naziri Dmitri Kuleba eyvanda bir şüşə qazlı şərab və siqarın müşayiəti ilə istefa məktubu yazıb.

Sfera.az xəbər verir ki, siyasətçi bunu Ukrayna mediası ilə söhbətində etiraf edib.

Keçmiş nazirin sözlərinə görə, o, vəzifəsindən azad olunduğunu Ukraynanın baş naziri Denis Şmıqalla söhbətindən sonra öyrənib. Kuleba əvvəlcə onunla, sonra isə Volodimir Zelenski ilə görüşüb. Bundan sonra o, həyat yoldaşının onu gözlədiyi evə gedib.
 

"Svetlana artıq orada idi, bir şüşə köpüklü şərab, bir siqar, bir kağız parçası, bir qələm götürdük, eyvana getdik, siqaret yandırdım, içdim və istefa məktubu yazdım",- Kuleba bildirib.
 

Xatırladaq ki, Dmitri Kuleba istefa ərizəsini sentyabrın 4-də verib. Ukrayna Ali Radası ertəsi gün onun istefasını təsdiqləyib.

İnci

Sfera.az