Avropalılar bu avtomobillərə üstünlük verir - Rekord satış QEYDƏ ALINDI
Avropa Avtomobil İstehsalçıları Assosiasiyası (ACEA) sentyabr üçün Avropa İttifaqı (Aİ) ölkələrinin yeni avtomobil qeydiyyat məlumatlarını açıqlayıb. Məlumatlara görə, Aİ ölkələrində yeni avtomobil satışları keçən ay 2023-cü ilin eyni ayına görə 6,1 faiz azalaraq 809 min 163 ədəd olub.
Sfera.az xəbər verir ki, Aİ-yə daxil olan ölkələrdə satılan yeni avtomobillərin 32,8 faizi hibrid, 29,8 faizi benzin, 17,3 faizi elektrik, 10,4 faizi dizel, 6,8 faizi plug-in (Plug-In) hibrid, 2,9 faizi isə digər avtomobillər təşkil edib.
Beləliklə, sentyabrda satılan yeni avtomobillərdə hibridlərin payı ilk dəfə olaraq benzin modellərini üstələyib. Bundan əlavə, tam elektrik, hibrid və plug-in hibrid modellərin ümumi satışlarda payı 56,9 faizə çatıb.
Elektrikli avtomobil satışları sentyabr ayında keçən ilin eyni dövrünə görə 9,8 faiz artaraq 139 min 702 ədədə çatıb.
Vasif
