"ABŞ ilə danışıqlara əsas görmürük" - Sergey Ryabkov
ABŞ-nin növbəti prezidentinin kim olacağından asılı olmayaraq, Moskva hazırda Vaşinqtonla danışıqlar üçün heç bir əsas görmür.
Sfera.az xarici KİV-ə istinadən xəbər verir ki, bunu Rusiya xarici işlər nazirinin müavini Sergey Ryabkov deyib.
“Bu [ABŞ və onun müttəfiqləri tərəfindən həyata keçirilən anti-Rusiya siyasəti] dəyişmədikcə, ABŞ-nin növbəti prezidentinin kimin olmasından asılı olmayaraq, strateji sabitlik və ya Yeni START Müqaviləsi müddətinin uzadılması ilə bağlı heç bir danışıqlar aparıla bilməz”, - o bildirib.
Xatırladaq ki, 21 fevral 2023-cü ildə Prezident Vladimir Putin Rusiyanın "New START"da iştirakını dayandırdığını, lakin sazişdən çıxmadığını bəyan edib. O vurğulayıb ki, Rusiya müqavilə çərçivəsində işə yenidən başlamaq barədə düşünməzdən əvvəl sənədin təkcə ABŞ-nin deyil, həm də NATO-nun digər nüvə gücləri - Britaniya və Fransanın arsenallarını necə nəzərə alındığına aydınlıq gətirilməlidir.
Firuzə Əliyeva
