Çox açıq-saçıq paltar geyindikləri üçün təyyarədən qovuldular - FOTOLAR
34 yaşlı Tereza Araujo ad gününü qeyd etmək üçün rəfiqəsi Tara ilə Los-Ancelesdən Nyu Orleana (ABŞ) uçmaq istəyib. “Spirit Airlines” ekipaj üzvləri isə uçuşa minməzdən əvvəl onlardan “üst-başlarını örtməyi” tələb edib.
Sfera.az bildirir ki, cins şalvar, crop top və jaket geyinən turistlər bu tələbdən təəccübləndiklərini etiraf ediblər.
Sərnişinlərin sözlərinə görə, onlar artıq uçuşa hazırlaşaraq öz yerlərində əyləşiblər ki, aviaşirkətin əməkdaşı onlara yaxınlaşaraq nalayiq görkəmləri ilə bağlı irad bildirib.
Kişi stüardessa onlara: "Üstünüzə nəsə geyinin, bir də sizə xəbərdarlıq etməyəcəm. Sonra nə olacağını görəcəksiniz" deyib.
Cins şalvar, crop top və yüngül jaket geyinmiş turistlər belə bir xahişdən məəttəl qaldıqlarını, xüsusən də təyyarədə çox isti olduğunu bildiriblər.
Təyyarə uçuş-enmə zolağında olduqdan sonra kapitan Tereza və Taranı darvazaya qaytarmaq üçün geri dönməli olub. Daha sonra kabinəyə nəzarətçi daxil olub və qadınlardan dərhal təyyarəni tərk etmələrini istəyib.
"Rəfiqənlə mən dəhşətli hadisə yaşadıq. Bizi "üstünüzü ört-basdır et" deyən kişi stüardessa təhqir etdi. Digər sərnişinlər bizi qorumağa çalışsalar da, sonda dispetçer bunu etməsək polisi çağıracağı ilə hədələdi"- deyə Tereza bildirib.
Qadına Nyu-Orleana başqa reysə köçürəcəyi vəd edildiyi iddia edilib. Lakin sonradan məlum olub ki, belə hallarda sərnişinlərə bilet pulu qaytarılmır və ya təyinat yerinə çatmağa köməklik göstərilmir.
"Polis dedi ki, biz haqlı idik və təyyarəni tərk etməli deyildik. Polisin gəlməsini gözləməli və sonra şirkəti məhkəməyə verməli idik".
Tereza başqa bir aviaşirkətə bilet üçün 764 funt sterlinq (təxminən 41 min UAH) ödəməli və Los-Anceles hava limanında təxminən beş saat gözləməli olub.
“Spirit” Hava Yolları hadisəni araşdırdığını bildirib:
"Şirkətin siyasətləri bizimlə səyahət edən bütün müştərilər üçün müəyyən geyim standartlarını müəyyən edir. Hazırda sərnişinlərin başlarına gələnlər haqqında daha çox öyrənmək üçün onlarla əlaqə saxlayırıq".
Aynil
Sfera.az
