Palçığın içindən tapdığı daş minlərlə dollar dəyərində çıxdı - FOTO

Qeyri-adi daşlar tapmağa həvəsi olan Patrk Gundersen Avstraliya çölünü gəzərkən, palçıq yığınının içində gizlənmiş qeyri-asi kristal tapıb. O, kəşfi haqqında “İnstaqram”da paylaşım edib.

Sfera.az bildirir ki, sosial şəbəkələrdə crystals_of_australia ləqəbi ilə tanınan şəxs qeyri-adi kristaldan danışıb.

O, yayda Avstraliyanın Harts silsiləsində kvars tapıb. Gundersen daşı yerdən qazıb çıxardıb. O, daş-qaşın çəkisinin dörd kiloqramdan çox olduğunu deyir.

Qiymətli daş elestial kvarsdır, əsasən bənövşəyi ucu ilə ağımtıl rəngdədir. Gundersenin sözlərinə görə, daşın üzərində ikinci dərəcəli böyümələr var.

"Onu bu qədər bənzərsiz edən yanlardakı heyrətamiz böyümə naxışlarıdır. Əgər sizin mükəmməl ametist kristalınız varsa, bu, sadəcə möhtəşəmdir. Bu cür şəkillər mənə təbiətin nə qədər inanılmaz olduğunu xatırladır".

Qeyd edək ki, bəzi nümunələr ABŞ-da tapılsa da, elestial kvarsa daha çox Braziliya və Madaqaskarda rast gəlinir. Bu kristalın Avstraliyada tapılması isə olduqca qeyri-adi haldır.

"Formalaşmanın nadirliyini və Avstraliyadan gəldiyini nəzərə alsaq, o, asanlıqla bir neçə min dollar dəyərində ola bilər. Amma mən bu daşı kolleksiyamda saxlamaq qərarındayam, çünki o, əvvəllər tapdığım heç bir şeyə bənzəmir"-deyə Patrik izah edib.

Aysel

Sfera.az