“New York Magazine” jurnalının siyasi müxbiri, 31 yaşlı Oliviya Nuzzi 70 yaşlı siyasətçi kiçik Robert Kennedi ilə münasibəti məlum olduqdan sonra işindən uzaqlaşdırılıb.
 

Sfera.az bildirir ki, 2023-cü ilin noyabrında Nuzzi siyasətçinin 7 milyon dollarlıq Kaliforniya malikanəsində ondan müsahibə götürdükdən sonra münasibət haqqında şayiələr yayılmağa başlayıb.
 

Olivia Nuzzi, Robert F. Kennedi ilə münasibətlərinin işdən kənara çıxdığını təsdiqləsə də, aralarında heç bir yaxınlığın olmadığını israr edib.
 

"Bu yaxınlarda Vaşinqton müxbirimiz Olivia Nuzzi jurnal redaktorlarına etiraf edib ki, o, kampaniyanı işıqlandırarkən 2024-cü il kampaniyası ilə əlaqəli keçmiş bir mövzu ilə şəxsi münasibətə girib. Bu, jurnalın maraqlarının toqquşmasına səbəb olub və açıqlama standartlarını pozub. Jurnal münasibətləri bilsəydi, o, prezidentlik kampaniyasını işıqlandırmağa davam etməzdi. Jurnalistin dərc olunmuş işinə dair heç bir qeyri-dəqiqlik və ya qərəzlilik sübutu tapılmayıb.
 

"Bu etimadın pozulmasına görə təəssüflənirik" - “deyə New-York Magazine” açıqlamasında bildirib.


Öz növbəsində, CNN müxbiri Brian Stelter, Olivianın bir açıqlamasını yayaraq, bu ilin əvvəlində onunla Kennedi arasında bəzi ünsiyyətlərin xarakterinin fərdi hala çevrildiyini etiraf edib.


Nuzzi iddia edir ki, onların münasibətləri zamanı aralarında heç vaxt fiziki təmas olmayıb, lakin münasibəti dərhal bitirməməyinin yanlış olduğunu etiraf edib:
 

"Mən bunu dərhal etmədiyim üçün çox təəssüflənirəm və məyus etdiyim insanlardan, xüsusən də Nyu Yorkdakı həmkarlarımdan üzr istəyirəm" - deyə Olivia bildirib.


Prezidentlik kampaniyasını dayandıran və avqustun sonunda Respublikaçılar Partiyasının namizədi Donald Trampı dəstəkləyən Kennedi isə 2014-cü ildən aktrisa Şeril Hayns ilə evlidir. Həyat yoldaşı da ərinin prezidentlik kampaniyasında fəal iştirak edib.
 

Kennedinin sözçüsü artıq mediaya, onun Olivia Nuzzi ilə həyatında yalnız bir dəfə xahiş etdiyi müsahibə üçün görüşdüyünü bildirdiyi barədə açıqlama verib. Onu da xatırladaq ki, bu Kennedinin ilk bu cür “ürək məsələsi” qalmaqalı deyil.
 

Nuzziyə gəlincə, məlum olub ki, o da subay deyil. Qız 2023-cü ilin sentyabrından nişanlıdır. Onun nişanlısı 50 yaşlı “Politico Vaşinqton” müxbiri Rayan Lizzadır.

Aysel

Sfera.az