Rusiya Qərb ölkələri ilə münaqişəni genişləndirmək istəmir, lakin onlar “qırmızı xətləri” keçirlər.
 

Sfera.az xəbər verir ki, bu sözləri Rusiyanın xarici işlər naziri Sergey Lavrov Sky "News Arabia" telekanalına müsahibəsində deyib.
 

“Artıq bir neçə aydır ki, Rusiya sadəcə təhdid edir, “qırmızı xətlər”dən danışır, Qərb isə hər dəfə bu “qırmızı xətləri” keçir və heç nə baş vermir”, - deyə nazir bildirib.
 

Diplomat Rusiya prezidenti Vladimir Putinin Kiyevə Amerika, Fransa və Böyük Britaniyanın uzaqmənzilli raketlərinin tədarükü, habelə onların Rusiya Federasiyası ərazisində istənilən hədəfə atəş açmasına icazə verilməsinin birbaşa hərbi əməliyyatların başlanması demək olacağı barədə xəbərdarlığını xatırladıb.
 

"NATO indi Rusiyaya qarşı müharibə aparır, lakin bu, ukraynalıların əli ilə hibrid müharibədir. Vaşinqtonda bunu dərk edən “ağıllı insanlar” var.. ", - Lavrov qeyd edib.
 

Onun sözlərinə görə, əgər söhbət uzaqmənzilli raket silahlarının tətbiqindən gedirsə, o zaman Ukrayna Silahlı Qüvvələrinin onları təkbaşına buraxa bilməyəcəyi göz qabağındadır. O, izah edib ki, yalnız istehsal edən ölkənin mütəxəssisləri silahı hədəfə yönəldə, peyklərdən məlumat ala və onların əsasında uçuş tapşırıqlarını tərtib edə bilərlər.
 

İnci

Sfera.az