1000 avro qazana bilərsiniz: Yüzlərlə turist eşşək mərcinə görə bu şəhərə gedir
İspaniyanın Alikante əyalətindəki Benidorm kurortunda çox qəribə və gülməli bir əyləncə növü sürətlə populyarlıq qazanıb. Yüzlərlə yerli sakin və turist buraya eşşəyin tualetə gedib-getməyəcəyi ilə bağlı mərc etmək üçün toplaşır.
Sfera.az bildirir ki, “YouTube” istifadəçisi Benidorm by Ana bu qeyri-adi əyləncəyə aid video yayımlayıb. O, bunu bütün dünyada ən qəribə ənənələrdən biri adlandırıb. Nə qədər gülməli də olsa, bu ərazidə mərc eşşəklərinin saxlanıldığı 500 nömrəli torpaq sahəsinin hamısı alınıb.
Sözün əsl mənasında "Eşşək nəcisi" kimi tərcümə olunan "Caga de la Burra" zamanı tamaşaçılar bir çox nömrələnmiş və hissələrə bölünmüş ərazidə saxlanılan eşşəkləri mühasirəyə alırlar.
İştirakçılar bu nömrələnmiş sahələrə 10 avro mərc qoyurlar. Eşşəyin peyinlə bəzəyəcəyi ərazini düzgün təxmin etsələr, 1000 avro qazana bilərlər.
Əgər eşşək bir neçə sahədə öz işini görürsə, nəcis kimin bölgəsində daha çoxdursa mükafat onlardan birinə verilir.
Bu mərc oyunu ilk dəfə 2014-cü ildə Benidormda keçirilib. Pandemiyanın əvvəlində ləğv edilsə də, 2021-ci ildə yenidən bərpa olunub.
“Heç vaxt eşşəyiniz sizə bu qədər çox şey verməmişdi”- devizi altında keçirilən bu tədbir son zamanlar turistlər arasında son dərəcə populyar olub.
Aynil
Sfera.az