Səhər saatlarında Almaniyanın Köln şəhərində partlayış olub.

Sfera.az-ın “Kölner Stadt-Anzeiger” portalına istinadən məlumatına görə, hadisə şəhərdəki gecə klublarından birinin yaxınlığında baş verib.

Polis əməkdaşları ərazini mühasirəyə alaraq, araşdırmalara başlayıb.

Hadisənin təfərrüatları hələlik məlum olmasa da, hüquq-mühafizə orqanları onun burada narkotik maddələrin ticarəti ilə məşğul olan qruplaşmalar arasındakı ədavətin nəticəsi olduğunu ehtimal edir.