Xəbər verdiyimiz kimi, Fransa kinosunun əfsanəsi Alen Delon 88 yaşında vəfat edib.

Sfera.az xəbər verir ki, bu barədə Alen Delonun övladları AFP agentliyinə bildiriblər.

Onların sözlərinə görə, Alen Delon uzun müddət davam edən xəstəlikdən sonra vəfat edib. 

2019-cu ildə insult keçirən aktyorun səhhəti son illərdə pisləşib. Fransa mətbuatının yazdığına görə, Delonun açıqlanmayan daha bir ciddi xəstəliyi var imiş.
Delonun aktyor kimi ictimaiyyət qarşısında sonuncu çıxışı 2019-cu ildə Kann Film Festivalında olub. Aktyor burada Fəxri Qızıl Palma mükafatına layiq görülüb. 

Xatırladaq ki, aktyor 1960-1970-ci illərdə çəkilmiş Rocco and His Brothers (1960), Plein Soleil (1960), L'Eclisse (1962), The Leopard (1963), The Yellow Rolls-Royce (1965), Lost O Command (1966) və Le Samouraï (1967) kimi filmlərdəki rolu ilə rəğbət qazanıb.

Ülkər Abdurahmanlı