Kim Çen In Çinlə həmsərhəd bölgələrdə baş verən dağıdıcı daşqın qurbanlarına baş çəkib.
 

Sfera.az bildirir ki, tarixdə ilk dəfə olaraq KXDR təbii fəlakətlərin baş verdiyini gizlətməyib. Kim Çenin qurbanları şəxsən necə xilas etdiyini və sonra su basmış ərazilərə baxış keçirdiyini nümayiş etdirən bir sıra təbliğat hesabatları hazırlanıb. Təbliğatın növbəti hissəsi qaçqınların yerləşdiyi oteldən reportaj olub. Şimali Koreya lideri seldən zərər çəkmiş köçkünlərə baş çəkib. Uşaqlar əziz yoldaşlarını görəndə seviniblər.

Kim əvvəlcə zərərçəkmişlərlə görüşüb, onlar yüksək sevinc nidaları və göz yaşları ilə onları böyük sevgi və qayğı ilə əhatə edən hörmətli marşallarını salamlayıblar. Çıxışından sonra Kim Çen uşaq yeməkxanasına keçib.
 

Kim Çen uşaqları evlərinə geri qaytarmağa söz verib, şirniyyat paylayıb, onlarıb göz yaşlarını silib və fotoşəkillər çəkdirib.

“Marşal ata çəkinmədən onun qucağına atılan uşaqları hərarətlə qucaqlayaraq dedi ki, ailəyə, ölkəyə sevinc bəxş edən xoşbəxt insanlar olmaq üçün yaxşı yeməli, göbələk kimi böyüməlidirlər”.
 

Şimali Koreyanın rəsmi Mərkəzi Xəbər Agentliyinin (KCNA) məlumatına görə, hazırda Pxenyandakı “25 Aprel” otelində və qoşunları paradlara hazırlamaq üçün tikilmiş hərbi bazada uşaqlar, təqaüdçülər və əlil hərbi qulluqçular da daxil olmaqla 13 minə yaxın insan yaşayır.


Kim Çen In uşaqlarla

Avqustun 10-da dövlət mediası Şimali Koreyanın 15 000-dən çox daşqın qurbanını paytaxta daşıyacağını bildirmişdi gəlir. Kim Çen In xaricdən gələn yardım təkliflərinə baxmayaraq yenidənqurma səylərinin öz hesablarına təmin edilməsində israrlıdır.
 

O, son daşqınlar nəticəsində dağılmış Çin sərhədinə yaxın bölgələri yenidən qurmağa və modernləşdirməyə söz verib.
 

Xatırladaq ki, iyulun sonlarında Çinlə həmsərhəd olan Sinuiju və Uijuda yağan güclü yağışdan sonra əkin sahələri və evlər su altında qalıb.
 

Bu ayın əvvəlində Şimali Koreyanın dövlət mediası 4100-ə yaxın evin, avtomobil və dəmir yollarının su altında qaldığını bildirib.


Sinuijuda keçirilən təcili Siyasi Büronun iclasında lider Kim Çen In hakimiyyət orqanlarından təbii fəlakətlərin qarşısının alınması ilə bağlı öhdəliklərinə laqeyd yanaşan və qəbuledilməz itkilərə səbəb olan şəxsləri ciddi cəzalandırmağı tələb edib.
 

Şimali Koreya zəif drenaj, meşələrin qırılması və bərbad infrastruktura görə güclü yay yağışları səbəbindən daşqınlara meyllidir.

Aysel

Sfera.az