Moskvada telefon fırıldaqçıları pensiyaçının 82,8 milyon rubldan (1,656 milyon manat) çox pulunu oğurlayıblar. 

Sfera.az xəbər verir ki, bu barədə “Lenta.ru”ya paytaxt prokurorluğunun mətbuat xidmətindən məlumat verilib. 

Altı gün ərzində yaşlı kişi hüquq-mühafizə orqanlarının əməkdaşları və bank işçiləri ilə ünsiyyətdə olduğuna inanıb. Fırıldaqçılar ona videobağlantı vasitəsilə, guya, rəsmi vəsiqə göstərərək, onu hesablarından pul silmək və adına kredit götürmək təhlükəsinə inandırıblar. 

Pensiyaçıda özlərinə qarşı inam yarada bilən fırıldaqçılar 90 köçürmə hesabına 82,8 milyon rubldan çox məbləğdə vəsaiti mənimsəyiblər. Fırıldaqçılar evdə qiymətli əşyalarının olub-olmadığını soruşmağa başlayanda zərərçəkən aldadıldığını başa düşüb. O, polisə müraciət edib. 

Vasif