Yaponiyada istilərlə bağlı xəbərdarlıq edilib.

Sfera.az bildirir ki, Tokioda iyul ayında istidən 123 nəfərin öldüyü açıqlanıb. İkisi istisna olmaqla, bütün ölüm hallarının qapalı ərazilərdə qeydə alındığı bildirilib. Həyatını itirənlərin əksəriyyətinin kondisionerdən istifadə etmədiyi vurğulanıb.

Məlumata görə, iyul ayında Tokioda isti vurması nəticəsində ölənlərin sayı 2018-ci ildə qeydə alınan 127 ölümdən sonra ən yüksək göstəricidir. Mütəxəssislər həddindən artıq istilərlə bağlı xəbərdarlıq edərək insanları zərurət olmadıqca çölə çıxmamağa, qapalı yerlərdə kondisionerdən istifadə etməyə və bol su içməyə çağırıblar.

Türkan