İtalyan moda evi Dolce & Gabbana, ilk it ətri “Fefe”ni satışa çıxarıb. Brend bununla müştəri bazasını əhəmiyyətli dərəcədə genişləndirəcək. “Fefe” şirkətin həmtəsisçisi Domeniko Dolceyə Stefano Qabbana tərəfindən hədiyyə edilən sevimli pudelin adını daşıyır. Ətir baytar tərəfindən təsdiqlənmiş və itlər üçün təhlükəsiz hesab edilmişdir.

Sfera.az xəbər verir ki, ətirin 100 ml-nin qiyməti 98 avro təşkil edir.

Müştərilər ətir reklamında Scarlett Johansson və Colin Farrelli görməyəcəklər. Gözlənildiyi kimi, reklam çarxında heyvanlar - qızıl pudel, Pomeranian spitz, dachshund və chihuahua təmsil olunur.

Ətir artıq "iyləmə şah əsəri" olduğunu iddia edir. Alkoqolsuz ətirdə səndəl ağacı və ilanq çiçəklərinin qarışığı var. Qeyd edək ki, ilanq çiçəyi insan afrodizyakı hesab olunur.

Ətirin adını daşıyan “Fefe”, “D&G”nin ortağı və həmtəsisçisi Stefano Qabbanadan Domenico Dolceyə hədiyyədir. Heyvanı sığınacaqdan sahibləndirilib, lakin it dizaynerin pişiyi ilə yola gedə bilməyib. Öz növbəsində Domeniko Fefeyə ilk baxışdan aşiq olur.

Dolce Fefenin adını köhnə italyan komediya filmindəki ev heyvanının şərəfinə qoyub.

Müsahibəsində: "Bu, Raffaelenin kiçik bir hissəsidir, yəni Tanrının hədiyyəsidir. İnanclı bir katolik olaraq bu itin həqiqətən Tanrının bir hədiyyəsi olduğuna inanırdım"-deyə Dolce bildirib.

Onun sözlərinə görə, Fefe gəzintiləri çox sevir və bu gəzintiyə çantada oturaraq gedir.

İtlər üçün qoxu hazırlayarkən “Dolce & Gabbana” baytarlar, heyvan təlimçiləri və it mütəxəssisləri ilə məsləhətləşib. Nəticədə “Dolce & Gabbana”nın baş ətirçisi Emili Bevier-Koppermanın yaratdığı ətir baytarlar tərəfindən bəyənilib. Dediklərinə görə qoxu itlər tərəfindən də bəyənilib və təhlükəsizlik testlərindən keçib.

Media qeyd edir ki, heç də bütün baytarlar yeni məhsuldan məmnun deyillər. Məsələn, RSPCA-nın (Heyvanlara Qəddarlığın Qarşısının Alınması Kral Cəmiyyəti) xoşməramlı səfiri Fabian Rivers hesab edir ki, it qoxularının əksəriyyəti 18 avrodan çox olmayan aşağı keyfiyyətli məhsullardır.

"Ətirin bu bazara bu qədər baha qiymətə girməsi insanların pullarını o qədər də dəyəri olmayan şeylərə xərcləmələri üçün maraqlı bir üsuldur. Amma pulunuzu necə xərcləyəcəyinizə siz qərar verirsiniz"- deyə o bildirib. Rivers əlavə edib ki, ətir olmasının bir mənfi cəhəti də, gələcəkdə sahibləri itdən qoxu hiss etdikdə mümkün dəri infeksiyaları barədə baytarla məsləhətləşmək əvəzinə pis qoxunu aradan qaldırmaq üçün spreydən istifadə edəcəklər.

O həmçinin qeyd edib ki, qoxu heyvanlar üçün diqqət yayındıran və ya xoşagəlməz ola bilər.

"Aydındır ki, varlı demoqrafik təbəqə pullarını xərcləmək üçün yeni yollar tapır və bu, insanların yoxsulluqla mübarizə apardığı bir vaxtda məni kədərləndirir”.

Heyvan məhsulları bazarında uzun müddətdir şampunlar, kondisionerlər, ətirlər və dezodorantlar, o cümlədən ABŞ-da 43 dollara Aesop Dog Shampoo var. “Bloomberg” qlobal ev heyvanları iqtisadiyyatını ildə təxminən 320 milyard dollar qiymətləndirir. Proqnozlar göstərir ki, sahiblər ev heyvanlarına dəbdəbəli paltarlar, daşıyıcılar və oyuncaqlar aldıqları üçün bazarda bu qiymət 2030-cu ilə qədər artıq 500 milyard dollardan çox ola bilər.

Aynil

Sfera.az

Dolce & Gabbana itlər üçün ətir buraxıb - FOTO