Parisdə 100 metr məsafəyə arxası üstə üzmə yarışında qızıl medal qazanan italiyalı üzgüçü Tomas Ceccon Olimpiya kəndi parkında dəsmal üzərində yatarkən görüntülənib.

Sfera.az bildirir ki, sözügedən şəkli Səudiyyəli avarçəkən Hüseyn Əlirza çəkib və sosial şəbəkəsində yayımlayıb.

Tomas dəfələrlə olimpiya idmançılarına verilən çarpayıların, ümumiyyətlə, şəraitin pis olmasından şikayətlənib.

Qeyd edək ki, tək Tomas deyil, müxtəlif ölkələrdən olan idmançılar Olimpiya kəndində yaşayış şəraitindən kütləvi şəkildə şikayət edirlər. Parisə qələbə üçün gələnlərin çoxu otellərə köçüb.

Parkda yatan italyan idmançı 2024-cü il Olimpiadasında qızıl medal qazanıb.

"Kənddə kondisioner yoxdur, istidir, yeməkləri pisdir. Bir çox idmançılar bu səbəbdən qaçırlar: bu alibi və ya bəhanə deyil, çoxunun bilmədiyi bir reallıqdır. Adətən gündüzlər həmişə yatıram, finala çıxa bilmədim, çox yorğun idim” - deyə o, mətbuta bildirib.

İndi sosial mediada yayılan fotoşəkil göstərib ki, mükafatlandırma mərasimi zamanı gözəl görünüşü ilə viral olan Tomas istirahət etmək üçün parkda yatmağı seçib.

Fotonun Tomasın və İtaliyanın kişilər arasında 4x100 m məsafəyə qaçış yarışından kənarlaşdırılmasından əvvəl, yoxsa sonra çəkildiyi məlum deyil.

Olimpiya kəndində bir nəfərlik çarpayılar rahat olmadığı üçün mübahisə obyektinə çevrilib. Mebellər karton çərçivələrə malikdir.

Avstraliyalı Tilly Kearns və onun komanda yoldaşı Qabi Palma da ilk gecəni bu çarpayılarda yatandan sonra “az qala belimiz qırılacaq” - deyə şikayət edərək, otelə köçüblər.

Tennis ulduzu Daria Saville də kəndin otelə bənzəməməsindən şikayətlənib.

"Olimpiya Kəndində mehmanxanada xidmətimiz yoxdur, ona görə də öz tualet kağızını özün almalı olursan"-deyə o, əlində bir neçə rulon tualet kağızı tutaraq çəkdiyi videonun altında yazıb.

İdmançıların səsləndirdiyi problemlərdən sonra Olimpiya kəndində kondisioner və kartondan hazırlanmış “antiseks” çarpayılara görə BOK ciddi tənqidlərə məruz qalıb. Xatırladaq ki, çarpayıları şikayətdən sonra Fransada idmançıların sekslə məşğul ola bilməmələri üçün çarpayıları narahat hazırladqlarını bildirmişdilər.

Britaniya Olimpiya Assosiasiyasının rəhbəri Endi Anson mətbuata verdiyi açıqlamada deyib: "Müəyyən qidaların çatışmazlığı var: yumurta, toyuq əti, karbohidratlar. Yeməyin keyfiyyəti də dəhşətdir, çünki idmançılara çiy ət verilir".

Nəticədə, bir neçə idmançı, o cümlədən ABŞ-ın bütün qadın tennis komandası (Coco Gauff istisna olmaqla) yaşamaq üçün başqa yer axtarmaq üçün kəndi tərk edib.

Aynil

Sfera.az

Olimpiya qızıl medalçısı parkda yatır - FOTOLAR