Bayden oğlunun məhkəmə işinə münasibət bildirdi

ABŞ prezidenti Co Bayden oğlu Hanterin işi üzrə təqsirli hökm çıxaran münsiflər heyətinin qərarına hörmət etdiyini bildirib.


Sfera.az xəbər verir ki, bu barədə TASS Ağ Ev rəhbərinin geniş bəyanatına istinadən məlumat yayıb.

"Keçən həftə dediyim kimi, mən bu işin nəticəsini qəbul edəcəyəm və məhkəmə prosesinə hörmət etməyə davam edəcəyəm", - Bayden deyib. O, Hanterin hələ də apellyasiya şikayəti verməyi nəzərdən keçirdiyini söyləyib.

Prezident xatırladıb ki, o, təkcə ABŞ prezidenti deyil, həm də oğlu ilə fəxr edən mehriban atadır.

54 yaşlı Hanter Bayden narkotikdən sui-istifadə edərkən qanunsuz olaraq silah əldə etmək və saxlamaqda ittiham olunub. O, günahını etiraf etməyib. Onu 25 ilə qədər həbs və 750 min dollara qədər cərimə gözləyir.


İnci

Sfera.az