“Xarici agentlər haqqında” qanunun yekun qəbulunun tarixini açıqladı

Mayın 14-də keçiriləcək plenar iclasda Gürcüstan parlamenti xarici agentlər haqqında qanunu üçüncü və yekun oxunuşda qəbul edəcək.

Sfera.az TASS-a istinadən xəbər verir ki, bunu ölkənin baş naziri İrakli Kobaxidze deyib.

“Sabah Gürcüstan parlamenti Gürcüstan əhalisinin əksəriyyətinin rasional iradəsinə uyğun hərəkət edəcək və üçüncü oxunuşda xarici agentlər haqqında qanunu qəbul edəcək ki, bu da çöldə qütbləşmənin aradan qaldırılmasında həlledici rol oynayacaq”, - Gürcüstan hökumətinin başçısı bildirib.

Mayın 13-də Gürcüstan parlamentinin hüquq komitəsi xarici agentlər haqqında qanun layihəsini üçüncü oxunuşda təsdiqləyib. Komitə yerli vaxtla saat 09:00-da iclas keçirib və bir neçə dəqiqə ərzində sənədi təsdiqləyib. Eyni zamanda müxalifət partiyalarının nümayəndələri də iclasa buraxılmayıb.

Mayın 11-də Gürcüstanda xarici agentlər haqqında qanuna qarşı ən böyük etiraz aksiyası keçirilib. Bir neçə min insanın iştirak etdiyi aksiya Avropa Gününə təsadüf edib. Etirazçılar şiddətli yağış nəticəsində dağılıb.

Xatırladaq ki, bundan əvvəl Gürcüstan bəyan etmişdi ki, xarici agentlər haqqında qanun çevrilişdən qaçmağa kömək edəcək.

İnci

Sfera.az