Eyni anda həm ana, həm doktor oldu
ABŞ-ın Nyu-Cersi ştatında 40 yaşlı Tamia Brevard-Rodriguez ana olmağa hazırlaşarkən, tezis təqdimatı üzərində işləyirdi.
O, həmin vaxt səkkiz aylıq hamilə olub. Doğum isə onun dissertasiya müdafiəsinin baş tutmalı olduğu gün başlayıb.
Sfera.az bildirir ki, Tamia Brevard-Rodriguez oğlu Enzo dünyaya gəldikdən təxminən yeddi saat sonra fakültə qarşısında dissertasiya müdafiə edib. Onun sözlərinə görə, doğumdan sonra bir az yatmalı, duş qəbul etməli və internetə girməli idi.
"Fiziki olaraq hamiləliyə hazır idim, amma psixoloji olaraq beynim uşağa uyğun deyildi, buna görə də mən çox emosional reaksiya verdim. Sözün əsl mənasında titrəyirdim".
Qadın Rutgers Universitetinin əməkdaşları və müəllimləri ilə hər şeyi planlaşdırmışdı. Lakin onun birdən-birə doğum vaxtı gəldikdə işlər plana uyğun getməyib. Tamia həyat yoldaşı Aliza Brevard-Rodrigezin gözlədiyi avtomobilə tərəf qaçıb. Onun sözlərinə görə, xəstəxanaya getmək zamanla yarışa çevrilib. Həmin anda yoldaşı şossedə 193 km/saat sürətlə avtomobil sürüb. Buna baxmayaraq, uşaq avtomobildə doğulub.
Xəstəxanada körpə Enzo müayinə edilib və hər şey qaydasında olub. Tamiya dissertasiyasına yaxşı hazırlaşdığı üçün övladı doğulduqdan təxminən yeddi saat sonra müdafiə işini təqdim edib.
Müdafiə tamamlanana qədər hamı doğuşdan xəbərsiz olub.
Aysel
Sfera.az
