Merilin Monro olmaq üçün 50 min dollar xərclədi - FOTO
![Merilin Monro olmaq üçün 50 min dollar xərclədi - FOTO](https://sfera.az/photo/orginal/2024/04/03/1712165908_lpp1.jpg)
Əvvəllər plastik cərrahiyyə vasitəsilə Merilin Monronun eynisi olmaq fikrinə düşmüş 24 yaşlı Serena Smit indi çox peşmandır. O, bütün ekstremal kosmetik prosedurlardan imtina edərək, öz təbii görünüşünə geri qayıtmaq qərarına gəlib.
Sfera.az bildirir ki, model bu yaxınlarda kukla kimi mükəmməl görünüşün əslində onu yadplanetli kimi göstərdiyini başa düşüb.
Serena 18 yaşından bəri çoxsaylı cərrahi müdaxilələrə, o cümlədən sinə böyütmə, rinoplastika, braziliyalı omba liftinqi, həmçinin botoks və dolğulara ümumilikdə 50 min ABŞ dollarından çox xərcləyib. Bütün bunlar Hollivud divası hesab edilən Merilinin ideallaşdırılmış imicinə mümkün qədər yaxınlaşmaq üçün olub.
Serena təzəlikcə süni görünüşün onu ideal deyil, əksinə yadplanetli kimi göstərdiyini anlayıb. O, artıq qeyri-real gözəllik standartlarına əməl etməmək və təbii gözəlliyini qiymətləndirməyi öyrənmək qərarına gəlib.
"Təbii gözəlliyi qəbul etməyə çalışıram. Görünüşümdən xoşum gəlir, zaman keçdikcə hər şeyin bizə şüuraltına yeridildiyi kimi olmadığını başa düşdüm. Bəlkə də müdriklik yaşla, özünü qəbul etməyi öyrənəndə gəlir"- Serena etiraf edib.
Model artıq üzünü həddən artıq süni göstərən çənəsindəki dolğunu çıxarıb. Lakin o, gələcəkdə kosmetik prosedurların, məsələn, döş üzərində təkrar cərrahiyyə əməliyyatlarının mümkünlüyünü də istisna etmir.
Aynil
Sfera.az