Amerika mediasında reper Sean "Diddy" Kombsun cinsi təcavüz və insan alveri ilə bağlı qalmaqalı  getdikcə böyüyür. 

Cinayət işinin araşdırılması ilə bağlı getdikcə daha çox təfərrüatlar ortaya çıxır. 

Sfera.az bildirir ki, Kombsun narkotik alverçisi adlandırılan 25 yaşlı Brendan Pol Mayamidə hava limanında həbs edilib. Reperin iki oğlu Castin və King də saxlanılıb. Polis reperin şəxsi təyyarəsinə minməyə cəhd edən 25 yaşlı gənci saxlayıb. 

Polis reperin malikanəsində axtarış aparıb, daha sonra "narkotik kuryeri" olmaqda ittiham olunan gənc reperin təyyarəsinə minmək istəyərkən həbs edilib.

Həmin gün federal agentlər seks alveri ilə bağlı araşdırma çərçivəsində Diddinin Los-Anceles və Mayamidəki evlərinə basqın edib və onun iki oğlunu da saxlayıb.

Castin və King Kombs daha sonra onlara qarşı heç bir ittiham irəli sürülmədiyi üçün sərbəst buraxılıblar.

Sean "Diddy" Kombsun özünün harada olduğu bilinmir. O, Karib dənizinə uçmalı idi və Mayamiyə çatdıqdan sonra təyyarəsinin izlənməsinə mane olub. Polis onun telefonlarını ələ keçirsə də, həbs olunmayıb.

Qeyd edək ki, əsl adı Sean Kombs olan Diddiyə qarşı prodüser Rodni “Lil Rod” Consun açdığı iddia əsasında həbs axtarışdadır. 

Lil Rodun iddiasına görə, həbs edilən gənc reper üçün təkcə narkotik maddələrin deyil, həm də silahların alınmasında iştirak edib.

Lil Rod həmçinin Brendan Paulun Florida ştatının Mayami şəhərindəki Kombs üçün gecə, striptiz klublarına və digər müəssisələrə odlu silah daşıdığını gördüyünü iddia edir. O, həmçinin Sean "Diddy" Kombsun bu silahları yerli dəstə üzvlərinə payladığını gördüyünü də iddia edib.

Xatırladaq ki, ilk iddiada Kombsun Lil Rodu seks işçiləri işə götürməyə məcbur etdiyi və onunla cinsi əlaqədə olmağa məcbur etdiyi iddia edilirdi.

Qalmaqalı səs-küylü edən isə, Lil Rodun “Oskar” mükafatlı aktyor Kuba Qudinq Jr-ın da adını çəkməsi olub. Prodüserin sözlərinə görə, onlar 2023-cü ilin yanvarında tanış olublar. Aktyor onu Diddinin yaxtasında “incidib”.

Prodüser iddia edir ki, Kombs insanları güllələməklə öyünüb və onun tələblərinə əməl etməyəcəyi təqdirdə, zorlayacağı ilə hədələyib.

İddiada həmçinin Kombsın oğlu Castin, aparat rəhbəri Kristina Horram və “Universal Music Group”un baş icraçı direktoru Ser Lucian Grange də cavabdeh qismində göstərilir.

Diddy ona qarşı mövcud ittihamları rədd edərək, onları "iyrənc" adlandırıb, vəkili isə Rodun iddialarını uydurma adlandırıb.

Ən qalmaqallı hissə isə iddiada Şahzadə Harrinin də adının çəkilməsi olub. Xoşbəxtlikdən, onun adı Diddinin təsadüfi tanışlarından biri kimi çəkilir. Reper Harrinin adından özünün xeyrinə istifadə etmək və nüfuzlu insanlarla görüşmək üçün istifadə edib.

Qeyd edək ki, 54 yaşlı Kombs 1993-cü ildə “Bad Boy”u qurub və o vaxtdan bəri hip-hopun kommersiyalaşdırılmasında əsas fiqur hesab olunur. Onun himayədarları arasında mərhum Notorious B.I.G. və Mary J. Blige də var olub. 

Bu gün isə reper Usher və Castin Bieber Diddy Kombsun "qəribə" məclisləri haqqında açıqlamalar veriblər. 

Kombsun cinsi təcavüz qalmqalının mərkəzində olduğu vaxt, sosial şəbəkələrdə gənclik illərində reperlə əməkdaşlıq edən ulduzların köhnə videoları yayılıb.

Usher bir neçə il əvvəl verdiyi müsahibədə Diddinin Nyu Yorkdakı malikanəsində yaşayarkən bəzi "maraqlı şeylər" gördüyünü iddia edib. O vaxt ulduzun cəmi 14 yaşı olub. Sosial şəbəkələrdə gənclik illərində Kombsun himayəsində olan Castin Biberin də köhnə videosu da tapılıb. Sosial media istifadəçiləri Usherin müsahibəsini və Biberin videosunu "narahatedici" adlandırıblar.

Usher 14 yaşında ikən reper Diddinin malikanəsində yaşadığını, bəzi "yaxşı vəhşi" şeylərlə qarşılaşdığını iddia edib.

Hələ 2004-cü ildə Diddinin onu sekslə tanış etdiyini bildirən Usherdən sonra, o vaxt 15 yaşında olan Castin Biberin video görüntüləri də Kombsun seks alveri ilə bağlı davam edən istintaqında xeyli səs-küy yaradıb.

Aysel

Sfera.az