Qoruqdan qaçan 200 keçi şəhəri iflic edib - VİDEO
![Qoruqdan qaçan 200 keçi şəhəri iflic edib - VİDEO](https://sfera.az/photo/orginal/2024/03/03/1709412783_19e11f9c-58e6-4678-98ac-370ce0d2123b.jpg)
Amerikanın Arlinqton şəhərində (Texas) qeyri-adi hadisə baş verib. 200-ə yaxın keçi Kristal Kanyon Təbiət Qoruğundakı mühafizədən qaçaraq kəndin küçələri ilə gəzməyə başlayıb. Yerli sakinlər təəccübdən nə edəcəklərini bilməyiblər.
Sfera.az bildirir ki, keçilər qoruqdan qaçaraq şəhəri iflic edib. Sosial şəbəkələrdə yayımlanan foto və videolarda küçələrdə dolaşan və yerli sakinlərin həyətinə baxan onlarla heyvanı görmək olar.
Heyvan yuvasının yaxınlığındakı hasar, ehtimal ki, vandallar və ya turistlər tərəfindən zədələnmişdir.
Keçiləri tutmaq üçün hadisə yerinə gələn polis əməkdaşlarından biri vəziyyəti “Tam xaos!” adlandırıb.
Onun sözlərinə görə, sürü birtəhər Kristal Kanyon Vəhşi Təbiət Sığınacağından çıxarılıb.
"Kimin ağlına gələrdi ki, keçi tutmalı olacağıq. Nə baş verdiyini heç kim dəqiq bilmir".
Polis heyvanların və sürücülərin təhlükəsizliyi üçün bir müddət nəqliyyatın hərəkətini bağlamalı olub. "Keçi ovu" 40 dəqiqə davam edib: bütün heyvanlar qaçdıqları yerlərə qaytarılıb.
Qeyd edək ki, keçilər Kristal Kanyon Qoruğunu bərpa etmək üçün şəhər layihəsinin bir hissəsidir. Keçən həftə parkı invaziv bitkilərdən, xüsusən də zəhərli sarmaşıqlardan təmizləmək üçün 400 keçi gətirilib. Mütəxəssislər deyirlər ki, keçilər həm zərərvericiləri yeyir, həm də torpağı mayalandırır.
Hasar yerləri çox güman ki, vandallar və ya səyahətçilər tərəfindən zədələnib. Polis hadisəni araşdırmaq üçün çalışır.