Bu il "Nobel" sülh mükafatı uğrunda 285 namizəd mübarizə aparır - SİYAHI
Norveçdə payızda veriləcək 2024-cü il "Nobel" sülh mükafatı uğrunda 285 namizəd mübarizə aparır.
Sfera.az TASS-a istinadən xəbər verir ki, bu barədə Norveç Nobel İnstitutunun bəyanatında deyilir.
Nüfuzlu mükafata 196 nəfərin və 89 təşkilatın namizədliyi irəli sürülüb. Bir il əvvəl institut 351 nominasiyanı qeydə alıb və rekord rəqəm 2016-cı ildə qeydə alınıb: 376.
Müraciət edənlərin tam siyahısı ənənəvi olaraq ciddi şəkildə məxfi saxlanılır. Buna baxmayaraq, hər il bəzi namizədlərin irəli sürülməsi ilə bağlı mətbuatda namizədlik hüququ olan təşkilatlar və ya şəxslər tərəfindən məlumatlar yer alır. Onların arasında Norveç Nobel Komitəsinin keçmiş və hazırkı üzvləri və məsləhətçiləri, keçmiş sülh mükafatı laureatları, milli parlamentlərin üzvləri və tarix, fəlsəfə, hüquq, ilahiyyat üzrə ixtisaslaşmış universitet professorları var.
Bundan əvvəl dünya mediasında NATO-nun Baş katibi və Norveçin keçmiş Baş naziri Yens Stoltenberq, amerikalı milyarder İlon Mask, britaniyalı təbiətşünas Devid Attenboro, ABŞ-nin keçmiş prezidenti Donald Tramp, Roma Papası Fransisk və BMT Baş katibi Antonio Quterreşin namizədliyi haqqında məlumat yayılıb.
Bundan əlavə, siyahıda Avropa Şurası, YUNESKO, Beynəlxalq Ədalət Məhkəməsi (BMT), ATƏT-in Demokratik Təsisatlar və İnsan Haqları Bürosu (DTİHB), BMT-nin Yaxın Şərqdə Fələstinli Qaçqınlara Yardım və İşlər üzrə Agentliyi və s. var.
Əzizə
