Sabah İran parlamentinə seçkilər keçiriləcək - 15 min namizəd qeydə alınıb
Sabah İran İslam Respublikası Parlamentinin 12-ci çağırışı və Rəhbərlik Şurasının 6-cı çağırışı üçün seçkilər keçiriləcək.
Sfera.az xəbər verir ki, seçkilərdə namizəd olmaq üçün qeydiyyatdan keçmiş 20 min nəfərdən 15 mindən çoxu (yəni təxminən 75%) namizəd kimi təsdiqlənib.
Qeyd edək ki, İran parlamentinin 290 mandatı var, hər yer üçün 52-dən çox namizəd mübarizə aparır. Hər deputat mandatı uğrunda 6 qadın namizəd mübarizəyə qoşulub.
Əlavə edək ki, İranda 61 milyon 172 min 298 nəfər səsvermə hüququna malikdir. Ölkədə səsvermə hüququna malik kişilərin sayı 30 milyon 945 min 13, qadınların sayı isə 30 milyon 227 min 165 nəfərdir.
Seçki hüququ olan 3,5 milyon seçici ilk dəfə səs verir (18 yaş və daha yuxarı).
Bu seçkilər üçün bütün İran ərazisində təxminən 59 min seçki məntəqəsi var.
Əzizə Zeynal
