ABŞ-da cəzasının icrasını 43 il gözləyən serial qatil edam edilir. Onun hal-hazırda 73 yaşı var.

Sfera.az xəbər verir ki, ABŞ-ın Ohayo ştatından olan Tomas Krik (Thomas Creech) 1974-cü ildə ABŞ-ın üç ştatında ən azı 5 qətl törədib. O, özü ABŞ-ın müxtəlif ştatlarında 42 nəfəri öldürdüyünü, onları qurban verdiyini deyib.

Bu ölüm hallarının əksəriyyəti yetərli dəlil olmaması səbəbindən təsdiqlənməyib.
 

Serialı qatil əvvəlcə edam olunmaq istəsə də, sonra fikrini dəyişərək əfv olunmaq üçün məhkəməyə müraciət edib.
 

1981-ci ildə müraciətə əsasən məhkəmə onun cəzasını edamdan ömürlük həbsə qədər azaldıb. Tragikomediya isə bundan sonra başlayıb. Qatil başqa bir məhbusu kustar üsulla hazırlanmış alətlə döyüb (Foto bax) və edam olunmaq arzusunu dilə gətirib.
 

Tomas 1981-ci ildən bəri, Aydahodakı həbsxanada ölüm hökmündə saxlanılır. O, hazırda ştatın həbsxanalarının əsas "köhnəsi" hesab olunur.


2023-cü ilin sonunda onun ölüm hökmü nəhayət imzalanıb, lakin Tomas bu dəfə də əfv istəyib. Bu məsələ ilə bağlı komissiyanın səsləri bölündüyü üçün, istək də rədd edilib. Serial qatilin edamı fevralın 28-nə təyin edilib. Məhkum məhkəmə qərarından apellyasiya şikayəti versə də, şikayət rədd edilib.
 

Tomas Krik edam edilərkən onun 73 yaşı olacaq.
 

Xatırladaq ki, bundan əvvəl ABŞ-da qatil olaraq məhkum edilmiş Kennet Smit azot qazından istifadə edilməklə edam olunub. Bu, azotla edam üsulunun ilk istifadəsi olub. Qırx ildir ki, ABŞ-da edam öldürücü iynələr tətbiq olunmaqla həyata keçirilirdi.

Aynil

Sfera.az