ABŞ-ın Cənubi Karolina ştatının 106 yaşlı sakini orta məktəbi uğurla başa vuraraq müvafiq sertifikat alıb. Fred Allen Smalls nəvəsi Birdella Kinney sayəsində sosial media ulduzuna çevrilib.

Sfera.az bildirir ki, “Baba” ləqəbli Fred Allen Smalls “Corctaun” Liseyinin fəxri diplomu ilə də təltif edilib. Nəvəsi 100-dən çox insanın iştirak etdiyi mərasimi sosial mediada paylaşıb. Video tezliklə viral olub.

Smalls 5 fevral 1918-ci ildə Corctaunun Plantersvill hissəsində anadan olub. O, səkkizinci sinifdən sonra Vaşinqtona köçmək və ailəsinə maddi dəstək olmaq üçün məktəbi yarımçıq qoyub. Nəvəsi Birdella Kinni bir ildən çox babasına arzuladığı diplomu almağa kömək etməyə çalışıb. Nəvə, həmçinin təltifetmə mərasiminin təşkilinə kömək edib. Mərasimdə rayon rəhbəri Keyt Prays və Corctaun meri Kerol Jairon da çıxış edib.
 

Kinney babasının yürüyüş və iti Bella ilə vaxt keçirməsi də daxil olmaqla sevimli məşğuliyyətlərini lentə alıb, TikTok-da yayımlayır. Videolar sayəsində Smalls çox məşhurlaşıb. “NBC News” yüz qaradərili yaşlının sosial media məşhuruna çevrilməsi haqqında sənədli filmində də yer alıb.

Aysel

Sfera.az