Kaliforniya ABŞ-dan ayrılır
Kaliforniya ştatının ABŞ-dan ayrılması ilə bağlı referendum keçirilə bilər. Bu barədə şəhər sakinləri ştat prokurorluğuna müraciət ediblər
AzVision.az "The Los Angeles Times”-a istinadən xəbər verir ki, referendumun təşəbbüskarı "Yes California” hərəkatıdır. Fəallar onların təşəbbüsünün "Calexit: Kaliforniyanın müstəqilliyi ilə bağlı 2019-cu ilin plebissiti” adı altında qeydiyyata alınmasını istəyiblər.
Ərizənin qeydiyyatından sonra onlar referenduma dəstək imzaları toplayacaqlar. Təşəbbüskarların sözlərinə görə, onlar artıq 13 min toplayıblar.
Hərəkatın həmtəsisçisi və vitse-prezidenti Markus Ruis Evans bildirib ki, referendumun keçirilməsi haqda məsələnin gələn il qaldırılması planlaşdırılırdı, lakin Donald Trampın seçkilərdə qalib gəlməsi onları bu prosesi sürətləndirməyə məcbur edib: "Bütün bunlar realdır. Biz buna ciddi yanaşırıq”.
Kaliforniyanın müstəqilliyinin tərəfdarları səsvermənin 2019-ci il martın 13-də keçiriləcəyinə ümid edirlər.
