Tullantıların utilizasiyası ilə məşğul olan “Just Clear” şirkəti Londonda bir evi təmizləyərkən ilk stolüstü kompüterlərin iki nümunəsini tapıb. Bu Q1 Korporasiyasının 1972-ci ildə buraxılmış Q1 PC-si olub.

 

Sfera.az bildirir ki, şirkət tapıntılara diqqətlə nəzər salıb və məsləhətçinin köməyi ilə onların tarixi dəyərini müəyyənləşdirib.

“Just Clear” əməkdaşları internetdə heç bir məlumat tapa bilmədikdə, şirkətin baş direktoru Brendan O'Şi kömək üçün kompüter mütəxəssisinə müraciət edib. Bu modelin dünyada tək çipli mikroprosessorla tam inteqrasiya olunmuş ilk stolüstü kompüter olduğunu öyrənəndə heyrətə gəliblər. Qeyd edək ki, “Q1”ə ilk dəfə əfsanəvi Intel 8008 prosessoru quraşdırılıb ki, bu da müasir kompüterlərin yaranmasına səbəb olub. Cihaz daxili displey və klaviatura olan korpusa malikdir.


Daha çox yazı makinasına bənzəyən Q1 PC kompüter tarixində irəliyə doğru böyük bir addım idi. O, yüksək keyfiyyətli quruluşu, unikal dizaynı və neon narıncı plazma ekranı ilə məşhur idi. İlk real mikrokompüter Amerikada “Q1” Korporasiyası tərəfindən hazırlanmışdır, onlardan yalnız bir neçəsi Britaniyaya gəlib çatmışdır.
 

Brendan O'Şi deyib: "Komandalarımız hər gün bəziləri tarixi əhəmiyyət kəsb edən şeylər tapırlar, lakin mən heç vaxt təsəvvür edə bilməzdim ki, biz texnologiya sənayesi və kompüter texnologiyalarının tarixi üçün bu qədər vacib bir şey tapacağıq". 
 

“Kompüterlər basdırılmışdı. bir dəstə qutunun altında idi və əvvəlcə biz onların 1970-ci illərin hesablama makinaları olduğunu düşündük. Əgər onlar təkrar emal olunmasaydı, yəqin ki, qırıb elektron tullantı kimi atacaqdıq, lakin məsləhətləşmədən sonra başa düşdük ki, həqiqətən iki olduqca nadir bir əşya tapmışıq. Bu günə kimi bunların yalnız üçü istehsal olunub”.


Qeyd edək ki, “Q1” 16 KB yaddaşı dəstəkləyən və maksimum 800 kHz takt tezliyinə malik 8 bitlik Intel 8008 prosessoruna malikdir. İntel 8008 prosessoru əvvəlcə “Computer Terminal Corporation” dan “DataPoint 2200” kompüteri üçün nəzərdə tutulsa da, “Intel” prosessoru gec tətbiq edib.
 

Müasir çoxnüvəli prosessorlar” Intel 8008” ilə ilk fərdi kompüterdən 30 il sonra yaranıb.


Bərpa edilmiş kompüterlər fevralın 17-dək İngiltərənin Surrey şəhərindəki Kinqston Universitetində sərgidə nümayiş etdirilib. Hər ikisinin daha sonra hərraca çıxarılacağı və ya özəl alıcıya satılacağı gözlənilir.


Xatırladaq ki, 2023-cü ilin dekabrında bir həvəskar da 1977-ci ilə aid sapfir substratda şəffaf prosessor tapmışdı.

Xanım

Sfera.az