İordaniyada matəm elan edildi

İordaniya şahzadəsi Rəcvanın atası Xalid ibn Musaid Əl-Saifin 72 yaşında vəfat edib. Bununla əlaqədar fevralın 19-da ölkədə üç günlük matəm elan edilib.
 

Sfera.az bildirir ki, bu barədə Ərəbistan Kral Agentliyi X sosial şəbəkəsindəki səhifəsində məlumat yayıb.
 

"İordaniya Kral Məhkəməsi şahzadə Rəcva Əl Hüseynin atası cənab Xalid Əl Saifin vəfatı ilə əlaqədar başsağlığı verir. İordaniya Kral Məhkəməsi üç günlük rəsmi matəm elan edib"- deyə məlumatda bildirilir.
 

Qeyd edək ki, Xalid Əl Saif biznesmen və “Al-Saif” şirkətlər qrupunun baş direktorudur. O həm də “Al-Saif” şirkətlər qrupunun daxil olduğu səhiyyə, tibb və tikinti sektorlarında fəaliyyət göstərən “Al Saif Group”un prezidentidir.

Xalid Əl Saifin ölümü ilə bağlı məlumatı vəliəhd Əl-Hüseyn də təsdiqləyib. O, həyat yoldaşının atası ilə fotosunu yayımlayıb.
 

"Sevimli qayınatamla dərin hüzn və kədərlə vidalaşırıq. Onun xeyirxahlığını, alicənablığını və dürüstlüyünü həmişə xatırlayacağıq. Allah ona rəhmət eləsin, bizə isə səbr və güc versin"- deyə vəliəhd “İnstagram” sosial şəbəkəsindəki səhifəsində yazıb.


Xalid bin Musaid bin Saif bin Əbdüləziz Əl Saif 1953-cü ildə anadan olub. O, əvvəllər səhiyyə, qulluq və tikinti sahələrində fəaliyyət göstərən “Al Saif” qrupunun prezidenti və “Al Saif” nəqliyyat şirkətinin direktorlarından biri olub. Kiçik yaşlarından, 1987-ci ildə atası ilə birlikdə işləməyə başlayıb. Xatırladaq ki, Xalid Əl-Saif Beyrut Amerika Universitetində inşaat mühəndisliyi üzrə bakalavr dərəcəsi alıb.

Aysel

Sfera.az